ရတနာသုံးပါးကို ပိုကြည်ညိုလာတယ်
ဒါကြောင့်ရဟန်းတော်များကိုလည်း ပိုမိုကြည်ညိုတတ်လာတယ်
ရဟန်းတွေ့တိုင်းလည်း ဦးထိပ်မှာမိုးလို့ အလိုလိုရှိခိုးလိုစိတ်
ဖြစ်ပါတယ်။
ဝိနည်းနဲ့မညီတဲ့ ရဟန်းတော်များကိုတွေ့ရင်လည်းပဲ
အရင်ကလို ဝေဖန်ပိုင်းခြားတာမျိုး သိပ်မမြင်မိတော့ပါဘူး၊
ဘုရားရှင်ရဲ့ သားတော် ရဟန်းတော် တွေပါလားဆိုပြီး
မြင်တတ်လာပါတယ်၊
အရင်ကဆိုရင်
ရဟန်းဝိနည်းနဲ့မညီရင် သာသနာဆုတ်ယုတ်နိုင်တယ်
သူများဘာသာခြားတွေ မြင်ရင် သိက္ခာကျတယ်၊
မြင့်မြတ်လှတဲ့ ဗုဒ္ဓဘာသာ ကို အကျည်းတန်စေတယ်
ဆိုပြီးမြင်မိတယ်၊
အခုနောက်ပိုင်းမှာတော့
သာသနာဆုတ်ယုတ်တယ် မဆုတ်
ယုတ်ဘူးဆိုတာ ထိုင်တွေး ဝေဖန်နေရမှာမဟုတ်ဘူး၊
မိမိကသာ သာသနာတော်မဆုတ်ယုတ်ဖို့အတွက်
အုတ်တချပ် ၊ သဲတပွင့် မျှ တတ်နိုင်သလောက်
လှူဒါန်းထောက်ပံ့ရမယ်ဆိုတဲ့ အတွေးမျိုးဝင်လာတယ်၊
ဖတ်ဖူးမှတ်ဖူးခဲ့တဲ့ သာသနာဆုတ်ယုတ် ပျောက်ကွယ်သွားမယ်
ဆိုတာကိုလည်း ဝိနည်းနဲ့မညီတဲ့ ရဟန်းတော်တွေကြောင့်လို့
မထင်လာတော့ပဲ လူသားမှန်သမျှအားလုံးရဲ့
လောဘ၊ ဒေါသ ၊ မောဟ အကုသိုလ် စိတ်တွေတလောကလုံး
လွမ်းခြုံ လွမ်းမိုးသွားတဲ့အတွက်ကြောင့်သာ ဆုတ်ကပ်ဖြစ်ပြီး
သာသနာကွယ်သွားတာဖြစ်မယ်လို့တွေးမိလာတယ်၊
ဝိနည်းနဲ့မညီတဲ့ ရဟန်းတော်တွေကြောင့်
အများအမြင်နဲ့ ဘာသာခြားတွေရဲ့ အမြင်မှာ သိက္ခာကျစေတယ်
ဆိုပြီး မြင်မိခဲ့တာတွေက အခုနောက်ပိုင်းမှာ
ဒီအမြင်တွေဟာ အကုသိုလ်တရားတွေပါလား၊
မာန ၊ ဒေါသတွေ နဲ့ပူလောင်မိနေပါလား ဆိုပြီး
တွေးမိလာတတ်တယ်။
အရင်ကဆိုရင် လုပ်ငန်းမှာ မိမိစိတ်နဲ့ မတည့်ခဲ့ရင် စိတ်ဆိုး
အော်ဟောက် ဒေါသဖြစ်ပြီး တော်တော်နဲ့စိတ်ဆိုးမပြေနိုင်
ဖြစ်ခဲ့တယ်၊ အခုနောက်ပိုင်းမှာတော့ ဒေါသဖြစ်ရင် ခဏသာ
ဖြစ်ပြီး ထိန်းသိမ်းလာနိုင်တယ်၊ ဒေါသစိတ် ဖြစ်၊ ပျက် တာကို
သတိထားလာမိတယ်၊
ဘယ်ရဟန်း ဘယ်ဆရာတော် ဘယ်ဘုန်းတော်ကြီးကျောင်း
ရယ် လို့ အစွဲမရှိတော့ပဲ နီးစပ်ရာ မိမိနဲ့ သင့်တော်ရာ
ဘုန်းတော်ကြီးကျောင်းတွေမှာ ဘုရားသွားကျောင်းတက် ပြုလုပ်
လာမိတယ်။
ဝိပဿနာ တရားအကျင့်ကိုလည်း လူသားတွေရဲ့ စိတ်ကို
ထိန်းကြောင်းတည့်မှတ်ပေးနိုင်တဲ့ တရား၊ မဂ်ဖိုလ် ကိုမြင်နိုင်မယ့်
တရားဖြစ်တယ်ဆိုပြီးတော့ပိုလို့ ပိုလို့ အားကိုးလာမိပါတယ်။
သံသရာမျက်ရည်(မိုးညှင်း)
No comments:
Post a Comment