------------------------------------------------------------------
အလိုလိုပေါ်သော အသားဟင်းလျာ မဟုတ်ဘဲ ကိုယ်တိုင်
ကြက် ဝက် ငါး စသည်တို့ကို သတ်ဖြတ်အလှူလုပ်ခဲ့သော်
ထိုအလှူ ကုသိုလ်ရ မရ မေးလျှောက်သောစာဖြစ်ပါတယ်
ဘုရား...။
ကုသိုလ်တရား အကုသိုလ်တရားသည် တရားနှစ်ပါးတို့ဟာ
တူညီသောအကျိုးပေးခြင်းမရှိဘူးတဲ့၊
အဓိပ္ပါယ်က ကုသိုလ်ကံကကောင်းကျိုးကိုပေးတယ်၊
အကုသိုလ်ကံက မကောင်းကျိုးကိုပေးတယ်၊
အကျိုးပေးခြင်းမတူလို့ ဆိုလိုတယ်။ အကျိုးပေးမတူ
ရုံမျှသာမဟုတ်ဘူး၊ ပြိုင်တူလဲ အကျိုးမပေးနိုင်ဘူး။
ကုသိုလ်ကံအကျိုးပေးခိုက် အကုသိုလ်ကံက
အကျိုးမပေးနိုင်ဘူး၊
အကုသိုလ်ကံ က အကျိုးပေးခိုက် ကုသိုလ်ကံက
အကျိုးမပေးနိုင်ဘူး၊
တစ်မျိုးတစ်မျိုးစီသာ အကျိုးပေးနိုင်တယ်၊
ဘာကြောင့်ပြိုင်တူ အကျိုးမပေးနိုင်တာလဲဆိုတော့ ကံတရား
အားထုတ်စဉ်ကာလ ကုသိုလ်နှင့်အကုသိုလ်ကံကို ပြိုင်တူပြု
လုပ်လို့ မဖြစ်တဲ့ အတွက်ကြောင့်ပါပဲ၊
စိတ်ဖြစ်မှုက အလွန်လျင်မြန်တယ်၊ စိတ်တခုပြီးမှ
တစ်ခု ဖြစ်တယ်၊ စိတ်နှစ်ခုပြိုင်တူမဖြစ်နိုင်ဘူး၊
ဒါကြောင့် ကုသိုလ်ကံနှင့် အကုသိုလ်ကံဟာ
ပြိုင်တူမဖြစ်ဘူး။
သူ့အသက်သတ်တာက တစ်ကာလ ၊ ဒီတစ်ကာလက
အကုသိုလ်ဖြစ်တဲ့ကာလ၊
အလှူပေးတာက တစ်ကာလ၊ အဲဒီတစ်ကာလက ကုသိုလ်
ဖြစ်တဲ့ကာလ၊
ဒီကာလနှစ်ပါးကို တစ်ကာလတည်း ရောလို့ မရသလို
တစ်ကာလစီမှာဖြစ်တဲ့ ကုသိုလ်နှင့် အကုသိုလ်ကိုလည်း
ရောလို့မရဘူး၊
ဒါကြောင့် သူ့အသက်သတ်မှု ပါဏာတိပါတ အကုသိုလ်ကံ
ကြောင့် မကောင်းကျိုးကို ခံစားရမယ်၊
အလှူပေးတဲ့ ဒါနကုသိုလ်ကံကြောင့် ကောင်းကျိုးခံစားရ
လိမ့်မယ်။
ထီးချိုင့်မြို့၊ တည်တောဆရာတော်ဘုရားကြီး၏
ယနေ့ဗုဒ္ဓဝါဒဆိုင်ရာ အမေးအဖြေများ(၄) မှ
ကူးယူပူဇော်ပါသည်။
သံသရာမျက်ရည်(မိုးညှင်း)
No comments:
Post a Comment